બિહારમાં નિર્ભયા જેવો બનાવ, કોલકતાથી આવેલી સગીરા પર ચાલતી કારમાં ગેંગરેપ...

બિહારના સમસ્‍તીપુર ગામમાં પણ દિલ્‍હીના નિર્ભયાકાંડ જેવી ક્રૂરતા સામે આવી છે. કોલકાતાથી આવેલી સગીર યુવતી પર ચાલતા વાહનમાં સામૂહિક દુષ્કર્મ(Gangrape) ગુજારવામાં આવ્‍યો હતો. આ ઘટના ૧૬ ઓગસ્‍ટની રાત્રે બની હતી. ગુરુવારે આ બાબતનો ખુલાસો કરતાં પોલીસે ત્રણ આરોપીઓની ધરપકડ કરી હતી. આ ઘટનાને અંજામ આપનાર આરોપીઓ ડ્રગ્‍સ ગેંગના છે. તેઓએ પીડિતા અને તેના પિતાને ફસાવીને સમસ્‍તીપુર રેલ્‍વે સ્‍ટેશનથી કારમાં બેસાડ્‍યા હતા. ત્‍યારબાદ ઠંડા પીણામાં નશો ભેળવીને બેભાન કરી લૂંટ ચલાવી અને સામુહિક બળાત્‍કાર ગુજાર્યો હતો. આ ગેંગનો લીડર હજુ ફરાર છે.

પિતા-પુત્રીને ઠંડા પીણા પીવડાવીને બેભાન કર્યા બાદ નશાખોરોએ ચાલતા વાહનમાં કિશોરીને પોતાની હવસનો શિકાર બનાવી હતી. ત્‍યારબાદ તેને સાકરા પોલીસ સ્‍ટેશન વિસ્‍તારમાં બેભાન અવસ્‍થામાં અર્ધનગ્ન હાલતમાં ફેંકી દેવામાં આવ્‍યો હતો. ગેંગના ત્રણ બદમાશોની ધરપકડ બાદ પૂછપરછ દરમિયાન બદમાશોએ પિતા-પુત્રીને લૂંટવાની અને કિશોરી પર સામૂહિક બળાત્‍કારની ઘટનાની માહિતી આપી હતી.

પકડાયેલા ગુનેગારોમાં આંતર-જિલ્લા ગેંગના ત્રણ બદમાશોનો સમાવેશ થાય છે. પોલીસ ગેંગ લીડર અને મુઝફ્‌ફરપુર નિવાસી મોહમ્‍મદ જાવેદની શોધ ચાલુ છે. પોલીસે પીડિતાનો લૂંટાયેલો મોબાઈલ પણ કબજે કર્યો હતો. બાળકીના નિવેદન પર ૨૩ ઓગસ્‍ટે મહિલા પોલીસ સ્‍ટેશનમાં કેસ નોંધવામાં આવ્‍યો હતો. તેના પિતાના નિવેદન પર રેલવે સ્‍ટેશનમાં લૂંટની એફઆઈઆર નોંધવામાં આવી હતી.

સમસ્‍તીપુર પોલીસ ઓફિસમાં એક પ્રેસ કોન્‍ફરન્‍સમાં એસપી વિનય તિવારીએ ગુરુવારે જણાવ્‍યું કે, ૨૩ ઓગસ્‍ટના રોજ મહિલા પોલીસ સ્‍ટેશનમાં નોંધાયેલી એફઆઈઆર મુજબ પીડિતા ૧૬ ઓગસ્‍ટની રાત્રે તેના પિતા સાથે કોલકાતાથી સમસ્‍તીપુર સ્‍ટેશન પહોંચી હતી. તે સમયે એક વ્‍યક્‍તિ પીડિતાના પિતા પાસે આવ્‍યો અને પૂછયું કે તમારે કયાં જવું છે. છોકરીના પિતાએ તેને ચકમેહસી પોલીસ સ્‍ટેશન વિસ્‍તારના એક ગામમાં જવાનું કહ્યું, જેના પર વ્‍યક્‍તિએ પીડિતા અને તેના પિતાને વિશ્વાસમાં લીધા અને તેમનું ઘર પુસા હોવાનું જણાવીને એક સફેદ રંગની બોલેરોમાં સ્‍ટેશનની પાસેથી બેસાડી દીધા હતા.

એસપીએ જણાવ્‍યું કે, મુક્‍તાપુર નજીક એક બોલેરો સવારે પિતા-પુત્રીને ઠંડા પીણામાં ભેળવીને દારૂ પીવડાવ્‍યો, જેના કારણે બંને બેહોશ થઈ ગયા. બંને પાસેથી પૈસા અને મોબાઈલની લૂંટ ચલાવી હતી. ત્‍યારબાદ પિતાને પુસા પોલીસ સ્‍ટેશન વિસ્‍તારમાં રસ્‍તાના કિનારે બેભાન હાલતમાં ફેંકી દેવામાં આવ્‍યો હતો. આ પછી બંને ગુનેગારોએ ચાલતા વાહનમાં જ સગીર બાળકી સાથે ગેંગરેપની ઘટનાને અંજામ આપ્‍યો હતો. ત્‍યારબાદ મુઝફ્‌ફરપુર જિલ્લાના સાકરા પોલીસ સ્‍ટેશન વિસ્‍તારમાં કિશોરીને અર્ધ નગ્ન હાલતમાં રસ્‍તાના કિનારે ફેંકી દેવામાં આવી હતી.

(Home Page- gujju news channel) 

Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - National Crime News In Gujarati