Home
સ્પોર્ટસ
IPL 2026 Prize Money List: ચેમ્પિયન ટીમથી વૈભવ સૂર્યવંશી સુધી, કોને મળ્યા કેટલા કરોડ?

IPL 2026 Prize Money List: ચેમ્પિયન ટીમથી વૈભવ સૂર્યવંશી સુધી, કોને મળ્યા કેટલા કરોડ?

11:56 AM June 01, 2026 Admin

IPL 2026 Prize Money List: IPL 2026ની ચેમ્પિયન ટીમ, રનર-અપ અને વૈભવ સૂર્યવંશી સહિત તમામ એવોર્ડ વિજેતાઓને કેટલી ઇનામ રકમ મળી? જાણો ટ્રોફીથી ઓરેન્જ કેપ સુધીની સંપૂર્ણ પ્રાઇઝ મની યાદી.

IPL 2026 Winner, Runner Up, Orange Cap, Purple Cap Prize Money Full Details : આઈપીએલ 2026 ફાઇનલ મેચમાં ગુજરાત ટાઇટન્સને હરાવી આરસીબી ટીમ સતત બીજી વખત IPL ચેમ્પિયન બની છે. આ સિઝનની પ્રાઇસ મનીની વાત કરીએ તો પાછલી સિઝનની તુલનામાં કોઈ ખાસ ફેરફાર થયો નથી. આઈપીએલ 2026 માટે કુલ 46.5 કરોડ રૂપિયા પ્રાઇસ મની રાખવામાં આવી હતી. આ અનુસાર ચેમ્પિયન અને રનર્સઅપ ટીમ પર કરોડો રુપિયાનો વરસાદ વરસ્યો છે. આ સાથે જ પ્લે ઓફમાં પહોંચનારી ટીમ પણ કરોડપતિ બની છે. તો 15 વર્ષીય યુવા બેટ્સમેન વૈભવ સૂર્યવંશી પણ માલામાલ થયો છે. વૈભવ સૂર્યવંશી ઓરેન્જ કેપ સાથે સુપર સ્ટ્રાઈકર, ઈમર્જિંગ પ્લેયર ઓફ ધ ટુર્નામેન્ટ, મોસ્ટ વેલ્યુએબલ પ્લેયર પણ બની ચૂક્યો છે.

► IPL 2026 પ્રાઇઝ મની - કંઇ ટીમને કેટલા મળ્યા ?

વિગત	ટીમ	ઇનામ રકમ
વિજેતા	RCB	₹ 20 કરોડ
રનર અપ	GT	₹ 13 કરોડ
ક્વોલિફાયર 2 હારના ટીમ, ત્રીજા ક્રમે	રાજસ્થાન રોયલ્સ	₹ 7 કરોડ
એલિમિનેટર થનાર ટીમ, ચોથા ક્રમે	સનરાઇઝર્સ હૈદરાબાદ	₹ 6.5 કરોડ

► ઓરેન્જ કેપ, પર્પલ કેપ અને અન્ય એવોર્ડ્સ માટે ઇનામની રકમ

ઇનામ	ઇનામની રકમ
ઓરેન્જ કેપ - સૌથી વધુ રન	₹ 10 લાખ
પર્પલ કેપ - સૌથી વધુ વિકેટ	₹ 10 લાખ
સૌથી મોંઘો ખેલાડી	₹ 15 લાખ
સુપર સ્ટ્રાઈકર ઓફ ધ સીઝન	₹ 10 લાખ
ઇમર્જિંગ પ્લેયર ઓફ ધ સીઝન	₹ 10 લાખ
સૌથી વધુ સિક્સર	₹ 10 લાખ
સૌથી વધુ ચોગ્ગા	₹ 10 લાખ

► 15 વર્ષિય વૈભવ સૂર્યવંશી થયો માલામાલ

IPL 2026 Vaibhav Suryavanshi Becomes Youngest Batsman To Win Orange Cap know how much price money he got -

વૈભવ સૂર્યવંશીની આઈપીએલ 2026 સીઝન ક્વોલિફાયર 2માં રાજસ્થાન રોયલ્સની હાર સાથે સમાપ્ત થઈ હતી. તેણે આ સિઝનમાં 16 ઇનિંગ્સમાં 776 રન બનાવ્યા હતા. તેનો સ્ટ્રાઇક રેટ આ સિઝનમાં સૌથી વધુ 237.31 રહ્યો છે. તેના નામે સૌથી વધુ છગ્ગા (72) પણ છે. તેણે ચાલુ સિઝનમાં 63 ચોગ્ગા પણ ફટકાર્યા છે. વૈભવે સુપર સ્ટ્રાઇક, ઇમર્જિંગ પ્લેયર, મોસ્ટ વેલ્યુએબલ પ્લેયર સાથે સૌથી વધુ સિક્સર એવોર્ડ પણ જીત્યા હતા. તેને કુલ 55 લાખ રૂપિયાની કાર પણ મળી છે.

► IPL 2026 ફાઇનલ પછી ગુજરાત ટાઇટન્સ ટીમની બસમાં આગ લાગી

રવિવારે રાત્રે IPL 2026 ફાઇનલમાં રોયલ ચેલેન્જર્સ બેંગ્લોર સામે હાર બાદ, ગુજરાત ટાઇટન્સ કેમ્પમાંથી એક ખરાબ સમાચાર સામે આવ્યા છે. અમદાવાદના નરેન્દ્ર મોદી સ્ટેડિયમમાં મેચ હાર્યા બાદ ટીમ બસમાં અચાનક આગ લાગી હતી. સદનસીબે તમામ ખેલાડીઓ અને સ્ટાફને સમયસર બહાર કાઢવામાં આવ્યા હતા, જેના કારણે મોટી દુર્ઘટના ટળી હતી.