Home
યોજના-ભરતી
મહિલાઓ માટે સરકારી નોકરીની ઉત્તમ તક : મુખ્ય સેવિકાની 169 પદ માટે ભરતી, પગાર 40,800 થી શરૂ....

મહિલાઓ માટે સરકારી નોકરીની ઉત્તમ તક : મુખ્ય સેવિકાની 169 પદ માટે ભરતી, પગાર 40,800 થી શરૂ....

10:32 PM April 22, 2026 Gujju News Channel

Gujarat Panchayat bharti 2026 : આ ભરતી હેઠળ પસંદગી પામનાર ઉમેદવારને શરૂઆતના પાંચ વર્ષ માટે દર મહિને ₹40,800નો ફિક્સ પગાર આપવામાં આવશે, અહીં જાણો તમામ માહિતી એક જ ક્લિકે

Gujarat Panchayat bharti 2026 : ગુજરાતમાં સરકારી નોકરીની રાહ જોતી મહિલાઓ માટે એક મહત્વપૂર્ણ તક સામે આવી છે. વાસ્તવમાં Gujarat Panchayat Service Selection Board દ્વારા મુખ્ય સેવિકા પદ માટે મોટી ભરતી જાહેર કરવામાં આવી છે, જેમાં રાજ્યભરમાં કુલ 169 જગ્યાઓ માટે ઓનલાઈન અરજીઓ મંગાવવામાં આવી રહી છે. આ ભરતી ખાસ કરીને મહિલા ઉમેદવારો માટે સારો અવસર સાબિત થઈ શકે છે, કારણ કે તેમાં સારો પગાર અને સ્થિર કારકિર્દી બંનેની શક્યતા છે. https://ojas.gujarat.gov.in

► જાણો કેટલો હશે પગાર ?

આ ભરતી હેઠળ પસંદગી પામનાર ઉમેદવારને શરૂઆતના પાંચ વર્ષ માટે દર મહિને ₹40,800નો ફિક્સ પગાર આપવામાં આવશે. ત્યારબાદ કામગીરી સંતોષકારક રહે તો નિયમો મુજબ નિયમિત પગારધોરણમાં સામેલ કરવામાં આવશે. એટલે લાંબા ગાળે આ નોકરી માત્ર આવક જ નહીં પરંતુ સુરક્ષિત ભવિષ્ય પણ આપે છે.

► ક્યાં જિલ્લામાં જગ્યાઓ ખાલી છે?

જિલ્લાવાર જગ્યાઓનું વિતરણ જોવામાં આવે તો દાહોદ, કચ્છ, સુરત અને છોટાઉદેપુર જેવા જિલ્લાઓમાં વધુ જગ્યાઓ ઉપલબ્ધ છે, જ્યારે કેટલાક જિલ્લાઓમાં એક કે બે જગ્યાઓ જ રાખવામાં આવી છે. આથી ઉમેદવારો માટે પોતાના જિલ્લામાં જ નોકરી મેળવવાનો સારો મોકો ઉભો થયો છે.

► જાણો શું છે શૈક્ષણિક લાયકાત?

શૈક્ષણિક લાયકાત તરીકે માન્ય યુનિવર્સિટીમાંથી સ્નાતક ડિગ્રી જરૂરી છે. ઉપરાંત ગૃહ વિજ્ઞાન, સમાજશાસ્ત્ર, બાળ વિકાસ, પોષણ અથવા સામાજિક કાર્ય જેવા વિષયોમાં માસ્ટર ડિગ્રી ધરાવતા ઉમેદવારોને પ્રાથમિકતા મળી શકે છે. સાથે સાથે ઉમેદવારને કમ્પ્યુટરનું બેઝિક જ્ઞાન અને ગુજરાતી તેમજ હિન્દી ભાષાનો જ્ઞાન હોવો આવશ્યક છે.

► મુખ્ય સેવિકા ભરતીની વધુ માહિતી અહીંં જાણો : GPSSB Mukhya Sevika bharti 2026

આ સાથે ઉંમર મર્યાદા મુજબ ઉમેદવાર 37 વર્ષથી વધુ ન હોવો જોઈએ, જોકે અનામત વર્ગને સરકારના નિયમો અનુસાર છૂટછાટ આપવામાં આવશે. અરજી પ્રક્રિયા સંપૂર્ણપણે ઓનલાઈન છે. ઉમેદવારોએ OJAS Gujarat Portal પર જઈને કરન્ટ ભરતી વિભાગમાં મુખ્ય સેવિકા પોસ્ટ પસંદ કરીને અરજી કરવી રહેશે.

અરજી કરવાની છેલ્લી તારીખ 9 મે 2026 નક્કી કરવામાં આવી છે, તેથી સમયસર અરજી કરવી જરૂરી છે. આ ભરતી મહિલાઓ માટે સરકારી ક્ષેત્રમાં પોતાની ઓળખ બનાવવાનો ઉત્તમ અવસર છે. યોગ્ય લાયકાત ધરાવતી ઉમેદવારોએ આ તકનો લાભ લઈ આગળ વધવું જોઈએ.