Home
એન્ટરટેઇનમેન્ટ
Dharmendra Death: 6 દાયકાનો શાનદાર સ્ટારડમ..300થી વધારે ફિલ્મો, પંજાબના ધરમ આ રીતે બન્યા બોલીવુડના 'He-Man'

Dharmendra Death: 6 દાયકાનો શાનદાર સ્ટારડમ..300થી વધારે ફિલ્મો, પંજાબના ધરમ આ રીતે બન્યા બોલીવુડના 'He-Man'

09:41 PM November 24, 2025 Gujju News Channel

પંજાબના એક નાના ગામમાંથી આવતા ધર્મેન્દ્ર હિન્દી સિનેમાને એક નવા સ્તરે લઈ ગયેલા. તેમની કારકિર્દી દરમિયાન તેમણે અનેક મોટી અને બ્લોકબસ્ટર ફિલ્મોમાં અભિનય કર્યો છે.

Dharmendra Deol Death : બોલીવૂડના દિગ્ગજ અભિનેતા ધર્મેન્દ્ર (Dharmendra Death)નું અવસાન થયું છે. 89 વર્ષની ઉંમરે ધર્મેન્દ્રનું નિધન(Dharmendra Passes away) થયું છે. તેઓ લાંબા સમયતી બીમાર હતા. જોકે હિન્દી સિનેમાના ઈતિહાસમાં જે લોકપ્રિયતા ધર્મેન્દ્રએ હાંસલ કરેલી તેવી ઘણા ઓછા લોકોને મળી છે. પંજાબના એક નાના ગામમાંથી આવતા ધર્મેન્દ્ર હિન્દી સિનેમાને એક નવા સ્તરે લઈ ગયેલા. તેમની કારકિર્દી દરમિયાન તેમણે અનેક મોટી અને બ્લોકબસ્ટર ફિલ્મોમાં અભિનય કર્યો છે. આજે અમે તમને ધર્મેન્દ્ર(Dharmendra Films)ની છ દાયકાની ફિલ્મો વિશે જણાવીશું, જેણે તેમને બોલિવૂડનો He-Man બનવામાં મદદ કરી.

► ધર્મેન્દ્રની કારકિર્દી 60 વર્ષથી વધુ લાંબી હતી

60 વર્ષથી વધુ લાંબી કારકિર્દીમાં ધર્મેન્દ્રએ શક્તિશાળી એક્શન ફિલ્મોથી લઈને હૃદયસ્પર્શી અને રોમેન્ટિક ભૂમિકાઓથી દર્શકોને મંત્રમુગ્ધ કર્યા છે. ક્યારેક તેમણે હાસ્ય હીરોની ભૂમિકા ભજવી હતી તો ક્યારેક તેમણે લોકોને રડાવી પણ દીધા હતા. તેમની અભિનય કુશળતા એવી હતી કે જેણે પણ તેમને જોયા તે તેમની પ્રશંસા કર્યા વિના રહી શક્યું નહીં. 8 ડિસેમ્બર,1935ના રોજ જન્મેલા ધરમ સિંહ દેઓલે 1960 માં ફિલ્મ "દિલ ભી તેરા હમ ભી તેરે" થી ફિલ્મી કારકિર્દીની શરૂઆત કરી હતી. તેમનો લુક્સ ઓનસ્ક્રીન દેખાવ અને વ્યક્તિત્વ હંમેશા તેમને માત્ર દેશ જ નહીં પરંતુ દુનિયામાં પણ પ્રિય રહ્યા છે.

► હિરોઈન્સ સાથે રોમાન્સ

જ્યારે ધર્મેન્દ્રની છબી એક રફ-ટફ હીરોની હતી ત્યારે ધરમ પાજીમાં પણ મજબૂત રોમેન્ટિક સિલસિલો હતો. ધર્મેન્દ્ર 1960 અને 70ના દાયકામાં સુપરસ્ટાર બન્યા, તેમણે મીના કુમારી, આશા પારેખ અને હેમા માલિની સહિત અનેક અગ્રણી અભિનેત્રીઓ સાથે રોમાન્સ કર્ય અને તેમની રોમેન્ટિક ફિલ્મો દ્વારા તેઓ દર્શકોના હૃદયમાં બિરાજવા લાગ્યા હતા. બંદિની, ફૂલ ઔર પથ્થર અને અનુપમા જેવી ફિલ્મોએ તેમને એક અભિનેતા તરીકે એક નવી ઓળખ આપી. આ ફિલ્મો દ્વારા તેમણે પોતાની લાગણીઓને પડદા પર કેદ કરી અને એક અલગ છબી બનાવી. વર્ષ 1966 માં આવેલી ફિલ્મ ફૂલ ઔર પથ્થરમાં તેમની ભૂમિકાએ તેમને પહેલી મોટી સફળતા અપાવી. તેમને એક મજબૂત અને સંવેદનશીલ હીરો તરીકે સ્થાપિત કર્યા.બાદમાં લોકો સંમત થયા કે ધર્મેન્દ્ર કોઈપણ ભૂમિકા માટે યોગ્ય હતા.

► શોલેએ તેમનું નસીબ બદલી નાખ્યું

વર્ષ 1975માં ધર્મેન્દ્રને એક એવા સ્ટારડમ મેળવ્યું કે જેની તેઓ લાંબા સમયથી રાહ જોતા હતા. તે વર્ષે તેઓ ફિલ્મ શોલેમાં દેખાયા. શોલે સાથે ધર્મેન્દ્રનો વારસો નવી ઊંચાઈએ પહોંચ્યો. કારણ કે તેમનું વીરુનું પાત્ર બોલીવુડમાં લોકપ્રિય બન્યું હતું.

જેનાથી ધર્મેન્દ્રને એક નવું નામ મળ્યું: વીરુ.

ત્યારબાદ તેમણે ચુપકે ચુપકે, યાદો કી બારાત, ડ્રીમ ગર્લ અને ધરમવીર જેવી ઘણી હિટ ફિલ્મો દ્વારા દર્શકોના દિલ જીતી લીધા અને બોક્સ ઓફિસ પર પોતાનું વર્ચસ્વ જાળવી રાખ્યું.

► ધર્મેન્દ્ર દેશભક્તિ ફિલ્મોમાં પણ હીરો બન્યા

રોમેન્ટિક હીરો તરીકે કામ કર્યા પછી તેઓ 80 અને 90ના દાયકામાં એક્શન અને દેશભક્તિ ફિલ્મો તરફ વળ્યા. ધર્મેન્દ્રએ તેમના દીકરા સની અને બોબી દેઓલને લોન્ચ કરવામાં મદદ કરતી વખતે આ ભૂમિકા જાળવી રાખી. ક્યારેક તેઓ ફિલ્મોમાં દાદાજી બન્યા તો ક્યારેક પિતાજી બન્યા. પરિવારને જોડનારી અનેક ફિલ્મોમાં કામ કર્યું. યમલા પગલા દીવાના જેવી ફિલ્મો મારફતે તેમણે દર્શકોને ખૂબ હસાવ્યા. આ ફિલ્મોમાં તેઓ તેમના દીકરા સની અને બોબી સાથે જોવા મળ્યા હતા. ધર્મેન્દ્રએ તેમના કરિયરમાં 300 થી વધુ ફિલ્મોમાં કામ કર્યું છે,અને આ ફિલ્મો દ્વારા તેઓ હંમેશા લોકોના હૃદયમાં રહેશે. એક એવો અભિનેતા જે હંમેશા સદાબહાર રહેશે.