ગુજરાતમાં સતત બીજા દિવસે માવઠું, અનેક જિલ્લામાં કરા સાથે વરસાદ તૂટી પડ્યો

ભરઉનાળે ગુજરાતના વિવિધ વિસ્તારોમાં કમોસમી વરસાદ ખાબક્યો છે. ત્યારે ખેડૂતોમાં ચિંતા વધી છે તો બીજી તરફ કાળઝાળ ગરમીથી લોકોને થોડી રાહત મળી છે. રાજકોટ, બોટાદ, ભાવનગર સહિતના વિસ્તારોમાં કમોસમી મુસીબત સમાન વરસાદ વરસ્યો છે.

► રાજકોટના વિવિધ વિસ્તારમાં વરસાદ

રાજકોટ શહેરના અનેક વિસ્તારમાં કમોસમી વરસાદ ખાબક્યો છે. યાજ્ઞિક રોડ, મવડી અને લોધિકા, રેસકોર્સ સહિતના વિસ્તારોમાં વરસાદી ઝાપટા પડ્યા છે, વરસાદને કારણે વાતાવરણમાં ઠંડક પ્રસરી છે. રાજકોટના વિંછીયામાં કરા સાથે વરસાદ ખાબક્યો છે. હીગોળગઢ,અમરાપુર,લાલાવદર સહિત વિસ્તારોમાં વરસાદી માહોલ જામ્યો છે. વરસાદના કારણે વાતાવરણમાં ઠંડક પ્રસરી છે તો ખેડૂતના પાકને નુકસાની ભીતિ સેવાઈ રહી છે.

► બોટાદમાં ગાજવીજ સાથે વરસાદ

બોટાદ શહેરમાં ગાજવીજ અને પવન સાથે વરસાદ વરસ્યો હતો. સતત બીજા દિવસે મેઘરાજાનું આગમન થયું હતું... શહેરના હવેલી ચોક, પાળીયાદ રોડ, જ્યોતિગ્રામ સર્કલ, ભાવનગર રોડ સહિતના વિસ્તારોમાં વરસાદ પડ્યો હતો. વરસાદ થતાં ખેડૂતોમાં ચિંતાનું મોજું ફરી વળ્યું હતું.

► ભાવનગરમાં ભર ઉનાળે વરસાદ

ભાવનગર જિલ્લાના અનેક સ્થળોએ ગાજવીજ સાથે માવઠું પડ્યું છે. ભાલ પંથકના ચોગઠ, ચમારડી, પાળીયાદ, સવાઈનગર વિસ્તારમાં માઠિયા સહિતના વિસ્તારમાં ગાજવીજ સાથે વરસાદ પડ્યો છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Gujarat Forecast For May Month - Rain Forecast  For Gujarat - Paresh Goswami Agahi - havaman Agahi