અયોધ્યામાં રામલલ્લા પ્રાણ પ્રતિષ્ઠાની પ્રથમ વર્ષગાંઠમાં 5 લાખ ભક્તો આવશે, આવતીકાલથી VIP દર્શન બંધ થશે, જાણો સમગ્ર કાર્યક્રમ વિશે....

અયોધ્યા રામલલ્લાના અભિષેકની પ્રથમ વર્ષગાંઠની ઉજવણી માટે તૈયાર છે. 11થી 13 જાન્યુઆરી સુધી ઉત્સવો યોજાશે. આ 3 દિવસમાં કોઈ VIPના દર્શન નહીં થાય. મંદિર ટ્રસ્ટે અંગદ ટીલા ખાતે જર્મન હેંગર ટેન્ટ લગાવ્યા છે. Ayodhya RamLalla Prana Pratishtha First Anniversary Celebration Schedual : 5 હજાર મહેમાનો હોસ્ટ કરવામાં આવશે, જેમાંથી 110 VIP ગેસ્ટ હશે. ટ્રસ્ટના જણાવ્યા અનુસાર 5 લાખ લોકો આવવાની આશા છે. કાર્યક્રમની વ્યવસ્થા સંભાળી રહેલા રામલલ્લા ટ્રસ્ટના મહાસચિવ ચંપત રાયે જણાવ્યું- પ્રાણ પ્રતિષ્ઠા દ્વાદશી પર 2 લાખ લોકો દર્શન અને પૂજા માટે આવશે. યોગી આદિત્યનાથ પોતે રામલલ્લાનો અભિષેક કરશે. આ પછી મહાઆરતીમાં ભાગ લેશે. તેમણે કહ્યું- સામાન્ય લોકો પણ ભવ્ય કાર્યક્રમો જોઈ શકશે.

► દર્શન અને પૂજા માટેની વ્યવસ્થા અને કાર્યક્રમ

મુખ્ય પ્રધાન યોગી આદિત્યનાથ 11 જાન્યુઆરીએ 11 વાગ્યે રામલલાનો અભિષેક કરશે. તેઓ એ દિવસે 7 કલાક માટે અયોધ્યામાં રહેશે. આ સમારોહમાં દેશભરના 170 સંત અને ધર્માચાર્ય મહેમાન તરીકે ઉપસ્થિત રહેશે. અયોધ્યાનાં 37 જાતિ મંદિરોના સંત-મહંતને પણ આમંત્રણ આપવામાં આવ્યું છે. ત્રણ દિવસ થનારા આ કાર્યક્રમમાં ઉષા મંગેશકર, કુમાર વિશ્વાસ, માલિની અવસ્થી, અનુરાધા પૌડવાલ, કવિતા પૌડવાલ, સ્વાતિ મિશ્રા અને કથક નૃત્યાંગના શોભના નારાયણ પ્રસ્તુતી આપશે...

► મંદિર પરિસરમાં યોજાનારા કાર્યક્રમો 

• યજ્ઞ મંડપમાં યોજાનારા પ્રોગ્રામ: 

વિશિષ્ટ યજ્ઞ: શ્રિકલ યજુર્વેદ મધ્યંદની શાખાના 40 અધ્યાય અને 1975 મંત્રોથી અગ્નિ દેતા માટે અઘનિ યજ્ઞ કરાશે. 11 વૈદિક મંત્રોચ્છાર સાથે આ યજ્ઞ કરવામાં આવશે.

સમય: આ યજ્ઞ કાર્ય સવારે 8 થી 11 સુધી અને બપોર 2 થી 5 વાગ્યા સુધી સંચાલિત થશે.

મંત્રજપ: આ સમયે શ્રીરામ મંત્રનો જાપ પણ કરવામાં આવશે, જેમાં 6 લાખ મંત્રોના જાપ કરવામાં આવશે. આ ઉપરાંત, રામ રક્ષાસ્ત્રોત, હનુમાન ચાલીસા, પુરુષ સૂક્ત, શ્રી સૂક્ત, આદ્યિત્ય હૃદય સ્તોત્ર અને અથર્વશિર્ષના પારાયણ પણ કરવામાં આવશે.

• મંદિરમાં કાર્યક્રમ:

રાગ સેવા: દક્ષિણ દિશાના પ્રાર્થના મંડપમાં દરરોજ બપોરે 3 થી 5 વાગ્યા સુધી ભગવાન માટે રાગ સેવા કરવામાં આવશે.

બધાઈ ગીત: મંદિરમાં દરરોજ સાંજે 6 થી 9 વાગ્યા સુધી રામલલા સામે બધાઈ ગીતની રજૂઆત કરવામાં આવશે.

• યાત્રા સુવિધા કેન્દ્ર :

સંગીતમય માનસ પાઠ: અહીં ત્રણ દિવસ સુધી સંગીતમય માનસ પાઠનો આયોજન કરવામાં આવશે.

• અંગદ ટીલા મેદાન:

રામ કથા અને માનસ પ્રવચન: અંગદ ટીલા મેદાનમાં બપોરે 2 થી 3:30 સુધી રામકથા અને બપોરે 3:30 થી 5:00 વાગ્યા સુધી માનસ પર પ્રવચન કરવામાં આવશે.

સાંસ્કૃતિક કાર્યક્રમ: રોજ સાંજે 5:30 થી 7:30 સુધી અન્ય સાંસ્કૃતિક કાર્યક્રમોનું આયોજન પણ કરવામાં આવશે.

પ્રસાદ વિતરણ: 11 જાન્યુઆરીથી ભગવાનના ભોજન પ્રસાદ વિતરણનો પ્રારંભ થશે. ચંપત રાયએ જણાવ્યું છે કે તમામ સમાજોને આ કાર્યક્રમમાં આમંત્રિત કરવામાં આવ્યું છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel , અયોધ્યામાં રામલલ્લા પ્રાણ પ્રતિષ્ઠાની પ્રથમ વર્ષગાંઠમાં 5 લાખ ભક્તો આવશે, આવતીકાલથી VIP દર્શન બંધ થશે, જાણો સમગ્ર કાર્યક્રમ વિશે - Ayodhya ramlalla prana pratishtha first anniversary Celebration schedual 5 lakh devotees will come