Ganesh Chaturthi 2024 : ગણેશ ચોથ 2024 કંઈ તારીખે છે ? જાણો તેનું મહત્વ અને કેટલા દિવસ સુધી તહેવાર ઉજવવો જોઈએ ?

Ganesh Chaturthi 2024: ગણેશ ચતુર્થીનો તહેવાર હિંદુ ધર્મના લોકો માટે ખૂબ જ મહત્વપૂર્ણ છે. ગણેશ ચતુર્થી(Ganesh Chaturthi)  જેને વિનાયક ચતુર્થી અથવા ગણેશ ઉત્સવ તરીકે પણ ઓળખવામાં આવે છે, તે પૂજનીય હિંદુ તહેવાર છે, જે ભગવાન ગણેશના જન્મની ઉજવણી કરે છે. સંકટ દૂર કરનારા  ભગવાન ગણેશની કોઈપણ નવા પ્રયાસ, બૌદ્ધિક શોધ અથવા વ્યવસાય સાહસની શરૂઆતમાં ઘણીવાર પૂજા કરવામાં આવે છે. આ 10-દિવસીય તહેવાર સમગ્ર વિશ્વમાં ખાસ કરીને ભારતમાં હિન્દુઓ દ્વારા ખૂબ જ ઉત્સાહ અને ભક્તિ સાથે ઉજવવામાં આવે છે. 

► ગણેશ ચતુર્થી 2024 કંઈ તારીખે છે ?

પંચાંગ અનુસાર, ભાદરવા મહિનાની ચતુર્થી તિથિ શુક્રવાર, 06 સપ્ટેમ્બરે બપોરે 03:01 વાગ્યે શરૂ થશે. 7મી સપ્ટેમ્બરને શનિવારે સાંજે 05:37 કલાકે પૂર્ણ થશે. આવી સ્થિતિમાં, ઉદય તિથિ અનુસાર, 07 સપ્ટેમ્બર, શનિવારે ગણેશ ચતુર્થીનો તહેવાર ઉજવવામાં આવશે. આ સમયગાળા દરમિયાન ભગવાન ગણેશની પૂજા કરવાનો સમય સવારે 11:03 થી બપોરે 1:34 સુધીનો રહેશે. આ શુભ મુહૂર્તમાં ગણેશજીની મૂર્તિની સ્થાપના કરી શકાય છે.

► ગણેશજીની પૂજા દરમિયાન આ બાબતોનું રાખો વિશેષ ધ્યાન

ગણેશ ચતુર્થીના દિવસે ભગવાન ગણેશની મૂર્તિની સ્થાપના કરવામાં આવે છે અને 7 દિવસ સુધી દરરોજ ભગવાન ગણેશની પૂજા કરવામાં આવે છે. ભગવાન ગણેશને પ્રસન્ન કરવા માટે સવારે અને સાંજે બંને સમયે આરતી કરવામાં આવે છે. ભગવાન ગણેશને મોદક, દૂધ, ફળ વગેરે અર્પણ કરવામાં આવે છે અને તમામ ધાર્મિક વિધિઓનું પાલન કરવામાં આવે છે. એકાદશીના દિવસે ભગવાન ગણેશનું વિસર્જન શુભ માનવામાં આવે છે, તેથી વિસર્જન એકાદશીના દિવસે જ કરવું જોઈએ.

► જ્યોતિષાચાર્યના મત પ્રમાણે ક્યારે કરવું વિસર્જન ?

જ્યોતિષ અરુણેશ શર્માએ જણાવ્યું છે કે, હાલમાં કેટલાક લોકો એકાદશીના દિવસે ભગવાન ગણેશની મૂર્તિનું વિસર્જન કરે છે, જ્યારે કેટલાક લોકો એકાદશીના દિવસે ભગવાન ગણેશની મૂર્તિનુ અનંત ચતુર્દશીના દિવસે (10 દિવસમાં) વિસર્જન કરે છે. જે જ્યોતિષ શાસ્ત્ર અનુસાર બિલકુલ ખોટું છે, કારણ કે એકાદશીના દિવસે વિસર્જન કર્યા પછી ગણેશ ચતુર્થીના તહેવારની સમાપ્તિ થાય છે અને દ્વાદશી તિથિના દિવસે પંચક કાળ શરૂ થાય છે અને પંચક કાળમાં કોઈપણ શુભ કાર્ય કરવું અશુભ માનવામાં આવે છે . તેથી, એકાદશીના દિવસે જ 7 દિવસની અંદર ગણેશ મૂર્તિનું વિસર્જન કરવું શ્રેષ્ઠ છે.

► ગણેશ ચતુર્થીનું મહત્વ

ગણેશ ચતુર્થીના દિવસે વિઘ્નો દૂર કરનાર ગણેશજીની પૂજા કરવાથી લોકોની તમામ મનોકામનાઓ પૂર્ણ થાય છે અને તેમને તમામ વિઘ્નોથી મુક્તિ પણ મળે છે. ગણેશ ચતુર્થીને નવી શરૂઆત અને નવા સાહસનું પ્રતીક માનવામાં આવે છે. લોકો આ દિવસે નવા કાર્યની શરૂઆત કરે છે અને તેમની મનોકામનાઓ પૂર્ણ થાય છે. ભગવાન ગણેશને બુદ્ધિ અને જ્ઞાનના દેવતા પણ માનવામાં આવે છે. તેથી વિદ્યાર્થીઓ આ દિવસે ભગવાન ગણેશને તેમના અભ્યાસમાં સફળતા માટે પ્રાર્થના કરે છે.

► ઘરમાં બાપ્પાના આગમનથી બધુ જ થાય છે શુભ

ભગવાન ગણેશને દુઃખહર્તા, શુભ અને વિઘ્નહર્તા જેવા નામોથી ઓળખવામાં આવે છે. એવું માનવામાં આવે છે કે ગણેશ ચતુર્થી દરમિયાન જે ઘરમાં ગણપતિની સ્થાપના કરવામાં આવે છે અને વિધિ પ્રમાણે પૂજા કરવામાં આવે છે, ગણપતિ તે ઘરની તમામ મુશ્કેલીઓ, સમસ્યાઓ અને અવરોધોને પોતાની સાથે લઈ જાય છે. આવા ઘરમાં બધું જ શુભ જ થાય  છે. લોકો આખા વર્ષ દરમિયાન આ તહેવારની રાહ જુએ છે અને તેને ખૂબ જ ધામધૂમથી ઉજવે છે. મહારાષ્ટ્રમાં ગણેશ ઉત્સવ મોટા પાયે ઉજવવામાં આવે છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel , Ganesh Chaturthi 2024 , ગણેશ ચતુર્થીનું મહત્વ , ગણેશ ચતુર્થી 2024 , ગણેશ ચતુર્થીનો તહેવાર , ગણેશની મૂર્તિનું વિસર્જન ક્યારે કરવું ?, Ganesh ગણેશ ચતુર્થી 2024 કંઈ તારીખે છે ? , ગણેશજીની પૂજા દરમિયાન આ બાબતોનું રાખો વિશેષ ધ્યાન