ચૂંટણીના પરિણામ પહેલા જનતાને મોંઘવારીનો ડામ..! Amul દુધના ભાવમાં રૂપિયા બેનો વધારો, જાણો અમુલ ગોલ્ડ-તાજા અને શક્તિના નવા ભાવ...

Amul Milk Price Hike : લોકસભા ચૂંટણીના પરિણામને હજુ વાર છે ત્યાં જ જનતાને વધુ એકવાર મોંઘવારીનો માર સહન કરવાનો વારો આવ્યો છે. ગુજરાત કો- ઓપરેટિવ મિલ્ક માર્કેટિંગ ફેડરેશને અમૂલ દૂધના ભાવમાં પ્રતિ લિટર રૂપિયા બેનો વધારો કર્યો છે.  મોંઘવારી વચ્ચે અમૂલના દૂધના ભાવ ફરી એક વખત વધારો થયો છે.  અમૂલ ગોલ્ડ દૂધમાં લીટરે 2 રુપિયાનો વધારો કરવામાં આવ્યો છે.  અમૂલ શક્તિ અને ટી સ્પેશિયલના ભાવમાં પણ લીટરે 2 રુપિયાનો વધારો કરવામાં આવ્યો છે. દૂધમાં ભાવમાં થયેલો આ ભાવ વધારો આવતીકાલ એટલે કે સોમવારથી લાગૂ થશે. 

► અમૂલ ગોલ્ડના 64ને બદલે 66 રૂપિયા ચૂકવવા પડશે

સામાન્ય લોકોએ સોમવારથી દૂધ ખરીદતા સમયે  પ્રતિ લીટર 2 રૂપિયા વધારે ચૂકવવા પડશે. લોકોએ અમૂલ ગોલ્ડના  64ને બદલે 66 રૂપિયા ચૂકવવા પડશે. જ્યારે 500 મિલીની અમૂલ ગોલ્ડ માટે 33 રૂપિયા ચૂકવવા પડશે. ચૂંટણી પૂરી થતાની સાથે જ અમૂલ દૂધના ભાવમાં વધારો કરવામાં આવ્યો છે. આ ભાવ આવતીકાલથી જ લાગુ કરવામાં આવશે. એટલે કે ચૂંટણી પહેલા 64 રૂપિયે પ્રતિ લિટર મળતા દૂધના તમારે હવે 66 રૂપિયા ચુકવવા પડશે.

► જાણો અમુલ તાજા-ગોલ્ડ અને શક્તિનો ભાવ કેટલો થયો? 

અમૂલ તાજા 500 મિલીના 26થી વધીને 27 રૂપિયા કરવામાં આવ્યા છે. અમૂલ શકિત 500 મિલીના 29થી વધારી 30 રૂપિયા કરવામાં આવ્યા છે. અમૂલ તાજા નાના પાઉચ સિવાય તમામ બ્રાન્ડમાં પ્રતિ લીટર બે રૂપિયાનો વધારો કરવામાં આવ્યો છે. અમૂલ ગાયના દૂધ માટે ગ્રાહકોએ પ્રતિ લિટર 56 રૂપિયા ચૂકવવા પડશે. આ સિવાય અમૂલ તાઝાની કિંમત 54 રૂપિયા અને અમૂલ ટી-સ્પેશિયલની કિંમત 62 રૂપિયા પ્રતિ લિટર હશે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - અમુલ દુુધના ભાવમાં રુપિયા 2 નો વધારો - અમુલ ગોલ્ડ તાજા અને શક્તિના ભાવમાં 2 રૂપિયા વધ્યા - Amul - Amul Milk - Amul Gold Milk Price Hike - why amul hike the price of milk - amul milk price hike - gujarat milk price - milk news